غير مصنف

الصدفه حكمت باللقاء

أنا ليه كدا!!

بقلم الشاعرة /دعاء النمر

الصدفة حكمت باللقا
رغم اني راسمة ألف خط وألف حد
والخطوة دايما تمشي ضد
وانا مهما امد.
برجع ولف ف دايرتي
ودي اخرتي
ابدأ اعيد نفس الطريق
وألم اوجاع الزمن
وافرش سكك غير سكتي
وانا ليه كدا !!
مخنوقة ف الليل ضحكتي
والصوت بيعلى
ومهما يعلى مافيش صدا
وبقول: رضا
انا حد احسن من كتير
يكفيني قلبي
ماهوش اسير
في ايادي بتلف ف سبق
تخطف فرح تطرح دموع.
انا قلبي اقسم ع الرجوع
وف كل مرة يصدني
انا دايما اكدب م الألم
ماهو قلبي اصلا مش صنم
عماله اقول اني تمام
واهوكله خير وانا مش بخير
والله قلبي كتير ندم
وكتير بيحلم يبقا طير
بيشق ف قيود الزمن
انا قلبي اصلا عاش اسير
وكمان بيدفع ف التمن
وأديني راضية بقسمتي
بقفل ف وش الخوف
بيبان واعلي ف الروح الف سور
بس القلوب مبترضنيش
عمالة تاخد م السنين
وبحاول اقوي منحنيش
جوايا شيء قادر يثور
وازي في ليل بيهدني
وانا عمري فرع وله جذور
كل مابتزيد الحمول.
.القاني بطرح ف البشر

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق