شعر و أدب

سلم الجنة

كلامي اليوم عن الجدعان عن القوة عن العمدان عن الشهداء دا ضحوا عشان بلادنا الغالية تتمجد

سلم الجنة
شعر/سيهلة السيد جبر

واسم ولادنا يتخلد
وادي حكاية شهيد قتلوه
وجوه قلوبنا دا مكانه
اخويا احمد و بصو شوفوه
دا ضحى فداء لاوطانه
دا ضحى بالحياة والروح
حكاية احمد الممدوح
دا من صغره ونفسه يموت
عشان تراب المحروسة
وكان م ارض الله ييفوت
بيعشقك با المحروسة
اخويا الغالي اتطوع
وكان هدفه الاساسي يا ناس
رايتنا تعلى وتسمع
وينقشها حروف بالماس
وكان اخويا ف جيشه هناك
وطلب يسافر عالعريش
ومش فارقة معاه انه يموت
بس المهم بلاده تعيش
وسافر اخويا بيحارب
والعدو منهم كان هارب
وصابو كل ال كانو حواليه
ودموع اخويا سكنت عنيه
وكنا في فصل شتا ومخيف
ويقتل احمد فهد ابو ضيف
وكان هو الزعيم ايوه
واحمد صابو بالقوة
فقتلو احمد ولاد الايه
وفازت مصر باخويا
صحيح وحشتنا ايوه عينيه
وابنه يتيم على شهرين
وزوجته ست صبارة
خدت ابنه ف احضانها
وكانت شمعة نوارة
وسكنت جوا بيت والده
وغيره ماهي مختارة
حبيبي شهيد فدا بلده
حبيبي اللي ماشاف ولده
سلام يا احمد يانور العين
سلام يا فخر لعيلتنا
سلام يا قاتل الخاينين
سلام يا احمد يا نور بيتنا
سلام ومعادنا ف الاخرة
ويبقى لقانا في الجنة
سلام يا اخويا يا غالي
احمد ممدوح يا نور عيننا
سلام يا فخر عيلة رزق
سلام يا سلم الجنة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى