اخبار محليةشعر و أدبغير مصنف

دوار البحر

شاعرة العامية / شيماء أبو سمرة (الإسكندرية – مصر)
 

دوار البحر اصاب الروح

وبفضل النظرة من معاليك

حسيت الضحكة منين ماتروح

بتفصل وش عشان ترضيك

واهو شجر العيله….كيان مطروح

وانا طرحى لاخضر دايب فيك

لغرامى سفير…ووسام ممنوح

واللوم عالعصب اللى مخبيك

وان جابوا كورال يتغنى ف يوم

انا وحدى هدندن وهاغنيك

وان قريوا آيات وبخور بالكوم

موصولة النفس عشان ترقيك

انت مكفيك …الكون النايم فى عيونى ً…

وانا بصة عليك

الورد النابت فى خدودى……

لما بحييك ..واقول للكل انت حبيبى

ولا فيش بعديك

والوصف المايل للقسوة كانوا ناس قبليك

 

يبقى مكفيك

الشهد الدايب فى سكوتى ….لما بخبيك

مسمحش لبقى يجيب سيرتك …

من خوفى عليك

محسودة. فى حبك وفى غيرتك

الله يخليك…خلينى انا اقرا فى

اذكارى علشان تحميك

وارش الملح انا فى الركنة

واوزع حب على السكنى

وافتح فى الحيطة الداكنة

وكمان اهديك

ناموسية تغطى على مشاعرك

وازازة مزيج عطرى وعطرك

والعسل الواقع على وردك

لما بعيش فيك

ايوة مكغيك..انى افتح صفحة تكون بيضا….

مرسومة كفوفنا الممدودة علشان عاشقين

وعماد العشة الموعودة…

ضمانا حيطان مش مهدودة….

واسمنا راضيين

ايوة مكفيك…الجذر الدابب فى عروقك

والسلعة اللى بتغلى فى سوقك

والكلمة اللى بتعلى فى ذوقك

وصفى مكفيك

ايوة مكفيك …..

انى ابقى فى حضرة انفاسك وجناب معاليك

ايوة مكفيك …ايوة مكفيك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق