الصحة والجمال

“أنا مش شايفة نفسي خارقة “…شاهد دكتورة تحاليل طبية”19″سنة

 

“أنا مش شايفة نفسي خارقة “…شاهد دكتورة تحاليل طبية”19″سنة

 

إعداد/حنان جبل

 

طموحك وأحلامك هم وقودك في هذه الحياة، كلما عملت من أجلها وجعلتها واقعا ملموسا صنعت قيمة لذاتك فاجتهد.

 

بداية نعرف من هي الدكتورة دنيا؟

 

أنا اسمي دنيا رجب حجاج المصري من مركز شبرا خيت محافظة البحيرة،كلية زراعة فرقة تانية ودكتورة تحاليل طبية ،وصاحبة أكاديمية في التحاليل الطبية بدمنهور محافظة البحيرة.

 

هل كان حلمك انك توصلي للتحاليل الطبية ولا لشيء اخر؟

 

كل الحكايه اني بنت عادية كان كل هدفي في الحياه اني ادخل كليه طب وجيت انصدمت في الثانوية وادمر حلمي اني اكون دكتوره كانت كل الظروف الل حوليا بتجبرني على اليائس ومش استسلمت وفضلت وراء حلمي وأصريت إني أحصل على لقب دكتوره بدأت أبحث عن أسرع طريق يوصلني لحلمي وهي كانت كلية الزراعه اللى عرفت ان من خلالها نقدر اعمل دبلومة تحاليل طبيه بعد 4 سنوات فقط وافتح معمل وبدأت القصه من هنا ودخلت كليه الزراعه وهي مش هدفي خالص ومكنتش بروح غير قليل جدا وغالبا اوقات الامتحانات بس ومع ذلك الحمد لله بردوا ربنا كرمني وجبت امتياز .

 

ماذا كانت نظرة الناس ليكي بعد التحاقك بكلية الزراعه؟ وما رد فعلهم حاليا ؟

 

كل المدرسين والناس اللى كانت شايفاني خلاص انتهيت ودخلت زراعه وكده حياتي وقفت وكانوا بيسمعوني كلام زي السم ويجرحوني والناس دي منهم اهلي وصحابي المقربين جدا.

 

كلهم حاليا بدأو يتقربوا مني من جديد ويسألوا ازاي وعملتي امتى وكل ده وانتي وانتي وألف كلمه اللى بتيجي بعد اما بننجح في منهم اللى حول يعجزني ويقولي انتي زراعه واي دخلك في مجال مش مجالك وانتي مش هتنفعي وانتي وانتي وكلام والله العظيم لو ذكرته انتوا نفسكم هتزعلوا.

 

كيف بدأتي في فكرة تطوير نفسك في التحاليل الطبية؟

 

بدأت في اتجاه التحاليل الطبية من اول يوم في الكلية وكانت بدايتها كورسات اون لاين في مجال التحليل ثم بعد كده أخدت كذا كورس ونزلت ادربت في كذا معمل وبعد فترة انضميت لأكاديمية تحاليل طبيه وبممارسة المهنى وإصراري على الوصول وعمري لا يتجاوز 18 سنه أصبحت الحمد لله بفضل ربنا عليا أفضل من دكاترة كبيره جدا في مجال التحاليل ومن هنا بدأت فكره التعمق واتحول من طالب لدكتور بخبرتي وشهادت كل الدكاتره ليا في الأكاديمية وبدأت من هنا اشرح للطالبه وخارجين من مختلف الكليات وكنت اصغر محاضر على الإطلاق في الأكاديمية ومن ثم بدأ كذا مكان يعرض عليا الشغل في مجال التدريب لحد اما وصلت لاكثر من 20 أكاديمية وبعدها اتجهت للكورسات اون لاين مكذبش ان ف البدايه كنت خايفة ومتوترة بس بعد نجاحي ال مكنتش متوقعاه ف اول كورس اون لاين كان فيه حضور مايزيد عن ١٣٠٠ طالب هنا كانت بدايه الطفرة ومش بس تحاليل بعدها بشهر تقريبا اتجهت لتعلم مجال الاسعافات الاوليه وأصبحت محاضر ومش بس ده اقتصرت على ده بدأت أنمي مهاراتي وحضرت دورات في مجالات مختلفه الي أن اخدت كثير الشهادات.

 

كم عدد الدورات التدريبية التي حصلتي عليها في المجال؟

 

-18 دوره تحاليل طبيه في أكاديميه كيرلاب .

-7 دورات تحاليل طبيه في أكاديميه النخبه.

-12 دوره تحليل طبيه في أكاديميه usam .

-8 دورات تحليل طبيه في تيم Sky Knowledge .

-2 دورة تحاليل طبيه في أكاديميه امازون .

-1 دوره تحليل طبيه في تيم mtad

-9 دورات اسعافات اوليه في أكاديميه كيرلاب .

-6 دورات اسعافات اوليه في تيم دكاتره المستقبل.

 

متى تم إنشاءك لأكاديمية التحاليل الطبية وكيفية نشأتها؟

 

قولت هو انا هفضل اشتغل مع الأكاديمية دي والمدير الفلاني يزعجني او ده يديقني ومقيض حريتي اشرح مع ده أو ده ويحددلي امتا اشرح وامتا لا وغيره بقا ولقيت شبه احتكار من كذا مكان وكأني سلعة عندهم والشاطر اللى يحاول يضحك عليا عشان أفضل معاه لحد اما حصل خلاف بين أكاديمييتن ليهم اسمهم ومكانتهم وكنت شغاله مع الاتنين وكل واحد فيهم عايزني اسيب التاني وكأني سلعة ده هيدفع اكتر وده هيعملي كذا لحد اما وقفت وقولت بس لحد كده،وبدات في تأسيس لنفسي أكاديمية مستقلة وفي الوقت ده بم اني بنت بقا وكمان صغيرة عمري مايتعادش ١٨ سنه كان هنا الطمع والكل بدا يحارب فيا واني بنت لا رورحت ولا جيت وطالبه وفي كليه زراعه يعني كده كده هتفشلي وطموح يومين وهتخلص واحباط ومهاجمات من اهلي وصحابي والدكاتره والاماكن ال كنت شغاله معاهم ومع ذلك طنشت كل حاجة ،وجمعت دكاترة كنت اشتغلت معاهم اوف لاين او اون لاين وطالبه عشان يكونوا تيم معايا ومدربين متخصصين من كل جامعات مصر،واتجهت لأخذ مقر اساسي للأكاديمية وكان ببرج عرابي باشا بمدينه دمنهور محافطه البحيره واعتمدت من نقابه المهن العلمية.

 

من الذي ساعدك ودعمك على هذه الفكرة؟

 

في الوقت ده اتعرفت على د/اسماء رضا الزوبي اخصائيه التحاليل الطبيه وماجستير الكيماء الحيوي ومدير معامل كيرلاب واتعرفت عليها وكانت اخت ليا وصديقه وسند بمعنى الكلمة ودخلت معايا الأكاديمية وبدأت كل الإجراءات القانونية واساسنا الأكاديميه وبعدها ازدات العلاقة وشركتها في معامل كيرلاب وأصبحت مديرة معامل كيرلاب واطلقنا اسم المعامل على الأكاديمية وهنا دخل دور باشمهندس رجب مصطفى مهندس زراعي من محافظه الغربيه واهتم بالتيم وبدا يقويه ويركز على اللجان وتولى منصب مدير تنفيذي في الأكاديمية وكان له دور فعال في تقدم وتطوير الأكاديمية .

 

هل الأكاديمية مختصرة على التحاليل الطبية وهل اتسعت في محافظات أخري ؟

 

في البدايه كانت فكره الأكاديمية كانت مختصرة على التحاليل ولكن بعد توسع ونجاح الأكاديمية ودعم الكثير ومعظم التيم كان من طالبة وخريجة كليه الزراعه والصيدله قررنا نوثق الأكاديمية في كل المجالات وبدانا نأسس تيم في كل محافظة واتجاهنا لأخذ فروع الأكاديمية في كل محافظات مصر وكان وقتها الأهتمام الاكثر في الكورسات الاوف لأين هي كورسات التحاليل الطبيه وبدانا بالفعل في اكثر من 17 محافظه وتم تخريج اكثر من 5000 طالب في شهرين فقط

أما الاون لاين بقا فأنا كنت المسؤله عن لجنه العلاقات العامة في الأكاديمية وبدأت اتعاون واكلم دكاتره من كل أنحاء العالم من داخل وخارج مصر وبدانا نعمل صفحه خاصه بالأكاديمية على الفيس بوك وقدمنا من خلالها مايزيد عن ال(( ١٠٠٠)) دوره مختلفه في كل المجالات وقدرنا نساعد طالبه وخريجين كتير

بتوفير اهم الدورات والكورسات ال محتاجينها لسوق العمل مجانا وكان لدكاتره الجامعات دور فعال ف ذلك ،وخاصه في رمضان 2021 عندما قدمت الأكاديمية(( ٣٠))دوره مختلفه على مدار الشهر الكريم مجانااا لتدريب و تأهيل الشباب لسوق العمل .

 

ماهى أصعب المواقف التي واجهتك وكيف تغلبتي عليها؟

 

أنا كنت كل ماأجي اكلم دكتور او أي مكان اتعاون معاه كان أول اما يعرف كل المناصب ال واصلت ليها دي كان يرحب جدا،واهلا يادكتوره وموافقين واما يسألوني عندك كام سنه ويعرفوا اني لسه طالبه وعمري لا يتجاوز ١٨ سنه كانوا يرفضوا ونظرتهم ليا تتغير ويشوفني اني لسه صغيره وكده والي يدخل يهزر والي يدخل يضحك وشغلي بدا يتأثر فعلا بسني فوقتها بس قررت أتعامل بمكانتي وخبرتي وأنسى عمري

 

سنك طبعا صغير جدا على هذه الانجازات ممكن نعرف نظرة الناس لسنك كانت ايه؟

 

السؤال اللى اتسألته أكتر من مليون مره لحد دلوقتى ولحد امبارح كنت باجي كل مره عند السؤال ده واقصد ماجوبش فقولت امشي شغلي وأنسى عمري لحد أما واصلت فعلاً.

 

ممكن تقدمى نصيحة للشباب والأجيال القادمة؟

 

انا مش شايفةنفسي خارقة ولا حاجة ولسه ماوصلتش لحلمي وحققت اللى انا عايزاه بردوا ففضلا بلاش تكونوا سبب في تدمير مستقبل الشباب وتسدوا نفسنا من أول الطريق لو ماقدرتوش تدعموا بلاش تهدوا فضلاً.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى