شباب ابو المطامير يجتمع ويناشد المسئولين تحقيق احلامهم فى المسكن والعمل والتعليم والصحة

متابعة:- ابراهيم سالم المغربى

ناشد عدد كبير من شباب ابو المطامير على كافة ظوائفهم ومستوياتهم المسئولين فى تحقيق طموحاتهم واحلامهم فى ايجاد مكان لاقامة اسكان اجتماعى حيث المركز الوحيد على مستوى الجمهورية لم يتم به الى الان مشروعات اسكان اجتماعى ولا اى مصنع لتشغيل الشباب ولا يوجد تعليم  مثل بقية المراكز والسبب بانة يتم تعين المدرسين من المراكز الكبيرة بالمحافظة  كوم حمادة وايتاى ثم من قام بتعينهم لوجود عجز يتم نقلهم الى مراكزهم مرة اخرى لذلك يطالب الشباب بتعين المدرسين من ابناء المركز كما يطالبو بمراجعة من تم تعينهم من المراكزالاخرى لابو المطامير وتم نقلهم لمحاسبة المسئولين الفاسدين .

حيث اجتمع الشباب فى مركز شباب ابو المطامير متعلمين وغير متعلمين عمال وفلاحين اطباء ومحامين وتم تلخيص مطالبهم بمذكرة تم كتابتها على يد الاستاذ /ابراهيم شوشة وهى كالتالى.

عاوزين نجمع توقيعات من75%من سكان البلد ونقدم طلب للجهات المعنية علشان
الأنتهاء من خطة الغاز التي لم تكتمل
رصف الشوراع الدخلية بالبلد 
عاوزين المحافظة توفر لنا مدارس أبتدائي ومدارس إعدادي وسد عجز المدرسين الصارخ في كافة المدارس وأرض فضاء لإنشاء وحدات إسكان لشباب البلد عاوزين تخصيص قطعة
أرض لأنشاء مبني لإدارة التربية والتعليم
عاوزين مشروع صرف صحي بالبلد للحفاظ على المنازل والشوارع من المياة الجوفيه
عاوزين الأرتقاء بالمستشفي العام بالبلد وتشغيل العمليات بها وتوفير الأطباء والأجهزة الطبية والعلاج المجاني
مين يقدر يتولى المسؤلية دي ويطالب بالحقوق العامه للبلد
فين العائلات الكبيرة
فين أصحاب النفوذ
أطلعوا ورونا ثقل مكانتكم ولا بتعملوا عائلات كبيرة على الغلابة
العائلة الكبيرة بجد اللي تقدر تقدم خدمه عامة للبلد مش بالكلام
البلد اللي ملهاش كبير ملهاش وزن ولا قيمة واللي عامل نفسه كبير يبقى بيضحك على نفسه
ياريت تفهموا كلامي صح
الكلام صريح وأنا من أكثر الناس حب وإخلاص للبلد أفهموني صح
وكلنا أهل بعض لازم نبقى لبعض ومتنسوش أن مجلس قروي ومجلس محلى مركز ومحافطه أتاخدوا مننا عيني عينك وأيضا دورات برلمانية ونحن بتشتتنا وعدم وحدتنا السبب في ذلك أحنا علشان ملناش ثقل كل البلاد بتعمل علاقات تفيد بلادها وأحنا مش فالحين غير في الكلام وبس وكلنا عاملين عمد على بعض روحوا أي بلد أو عزبه هتلاقوا الناس هناك نفذوا مشروعات خدمت بلادهم وأحنا محلك سر
والناس نايمه في مية المخلل
وأصل مش هنفضل نقول البلد والبلاد حولينا بقت أحسن منا ومحصلناش المناطق الأخرى
اللي هيزعل يزعل رغم أني مقصدش أزعل حد لكن بالوضع دا بدل ما كانت أبوالمطامير كعبها عالي على التخين حولينا بقينا ولا لينا لازمه دا الواقع مع كامل أسفي وأعتذاري وحزني علي هذه الجملة للأسف الشديد
أبو المطامير الحيطة المايلة أبو المطامير مهمشه أبو المطامير مهدر حقها أبو المطامير بترجع إلي الخلف أبو المطامير بالنسبة لأي مسؤول حقل تجارب