بقلم/ أميرة فوزى عمار
الفتاه التناقضيه
ماهى إلا فتاه عشرنيه
ايوه عشرنيه متستغربوش
عمرها فى سن العشرين
جراحها وهمومها ولا مسن فى عمر التسعين
تشوف بسمتها مرسومه
وتسمع ضحكتها مزيكا
والقلب من جواه …… اه ياعينى
واه ياليلى بينزف من الالم بس عادى
و أىه يعنى ماهى بردوه لازم تبتسم
ليها علاقات بناس كتييير وصحاب اكتر
يعنى هيا من الاخر إجتماعيه ..
.. لكن هيا اكتر حد منعزل
ووحيد ممكن تشوفه فى حياتك
تواسى الكل هيا
وهيا أه ياعينى عليها….
. مش لاقيه الى يواسيها
تستنى الفرح يجى ويخبط على بابها
بس شكله معاند معاها او واخد اجازه من عندها
الحياه بتاخد منها كتيييير اووووى
كل حاجه بتحبها لازم تروح
دى من كتر حزنها لما تضحك تلاقى عنيها دمعت
اصلها فى الطبيعى مش عارفه تخرج حزنها
