اخبار محليةشعر و أدب

بتقدر ليه تكون جارح ؟!

بتقدر ليه تكون جارح ؟!

الشاعرة / دعاء النمر
بتقدر ليه
تكون جارح ؟!
وتوصل بكرة بـ مبارح
وتقبل ليه أكون وياك
وفكرك فى الظنون سارح !!
شراع الحلم بات مصلوب
ومتغرب فى كام سكة..
مشاعر قلبنا الفكة
بتتعازم على اللى يسيب
بدأنا نجمل الضحكة
ملامح باهتة سهل تغيب
هانقبل ليه نعيش تانى فى نفس الدور؟!
مشاعر زور
وشاهدة ع اللى قواها
نمد إيدينا تنجدنا
فــ تغرق روحنا جواها
مافيش عاقل بيتمسك بناس بايعة
مافيش أدوار تليق تانى بنفس النص
خلاص كل القلوب ساكنة
وكام منتاج بيفصل قلبنا م النُص.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى