الشعر الكيرلي ليس المجعد

كتبت: مريم يوسف
انتشر في الفترة الأخيرة ثقافة الشعرالكيرلي أو المموج أو الويفي وهنا نقف لحظة الشعر المجعد هو شكل من أشكال الشعر منه الكيرلي و الويفي و ده ممكن أكلمكم عنه في مقال مخصص لكن هدفي هنا أن اشرح لكل شخص يتنمر بشكل مباشر على البنات وده بيحصل داخل الأسره.
يكونوا اثنين إخوات بنات أو حتي أولاد و نلاقي المقارنات بصوت واضحه (س) شعرها ناعم أحسن من أختها شعرها اكرت (شعره أو شعرها وحش) هنا بقي لازم يكون في وقفه ما فيش حاجة اسمها شعر حلو و شعر وحش شعر ناعم و شعر اكرت لكن “في شعر متغذي كويس و شعر محتاج تغذية”
شعر أملس وشعر مجعد ده شكله وليس نوعه
صدقوني لو بأدينا كنا اخترنا لنفسنا لون البشرة المثالي وشكل الشعر المثالي لكن محدش بيعجبه حاله اللي شعرهم أملس بيدفعوا فلوس عشان يصففوة عند المختصين ويبقي كيرلي والعكس
احنا نسينا هويتنا وحددنا الجمال بمستويات غربية مش من بيئتنا. مع الفارق فالأجانب بيجوا مصر ويدفعوا فلوس عشان يأخذوا اللون البرونزي والذهبي واحنا بندفع فلوس عشان نبقي أصحاب بشرة بيضاء. يا للعجب!
علينا ان نتقبل أنفسنا ونتقبل الاخر كما هو. كل شخص منا فريد لذاته كبصمة يديه. أنت / أنتِ مميز/ة: ببشرتك لونك كيانك شكلك عقلك أنت مميز وفريد وعليك أن تقر بهذه الحقيقة وتدركها حتى تستطيع أن تري الجمال فيك وفيمن حولك