دعوة حضور : لكل من مشاهير الفن و الرياضة و لاعلام و رجال وسيدات الاعمال

دعوة حضور : لكل من مشاهير الفن و الرياضة و رجال وسيدات الاعمال

بقلم د/ سهير شلبي (رئيس مجلس ادارة مؤسسة المبدعين العرب)

السادة المشاهير من الفنانين و الرياضيين  و السادة النواب من اصحاب الملايين

السيدات و السادة رجال الاعمال و اصحاب المشروعات و الشركات الكبرى

انتم مدعوون للمشاركة في حل الاثار الناجمة عن ازمة فيروس كورونا في بلدنا الحبيب ام الدنيا مصر

الحكومة خصصت 100 مليار جنيه حتى الان للازمة فهل شاركتم في هذا المبلغ او قررتم المشاركة؟؟

انتم مدعون لتحمل المسئولية و المشاركة الفعالة و الفعلية مع الحكومة لمساندة هذا البلد العظيم في وقت الازمة

بلدنا مش اقل من البلاد الثانية و تستحق انك تقف مع حكومتها و شعبها
في وقت الازمة …. و انت مش اقل من امثالك في الدول الاوروبية اللي اتبرعوا بملايين الدولارات لبلادهم( ميسي و جوارديولا ….)

السادة الاعلاميين اللي عندهم نسبة مشاهدة كبيرة زي احمد موسى و عمرو اديب
و تامر امين و منى الشاذلي و عمرو الليثي و الابراشي و …… ليه ما تخصصش 10 دقايق من الحلقة لحث الناس على التبرع لصندوق تحيا مصر علشان الدولة تقدر تغطي الخسارة الناجمة كورونا ؟؟؟؟
الناس قاعدة في البيت تتفرج و بس .. لا خليك ايجابي و شارك حتى و انت في البيت
باللي تقدر عليه … و الكتروني مش محتاج تخرج و لا تروح اي مكان
خليك زي محمد صلاح مثال مشرف للمواطن المصري اللي بيقدر فضل بلده عليه … خليك ايجابي وشارك … لان يد الله مع الجماعة .. و لو وقفنا مع بعض ربنا هيقف معانا
شارك بالكلمة لو انت اعلامي و شارك بفلوسك لو انت مستثمر و شارك بمجهودك لو انت في الوظائف التي لم يسري عليها الحظر مثل الجيش و الشرطة و الصحة
“لا يغير الله ما بقوم حتى يغيروا ما بأنفسهم ” لازم نتغير و نكون ايجابيين و متعاونين و متراحمين علشان ربنا يرحمنا و يساعدنا اننا نخرج من الازمة دي بأسرع ما يكون