خواطرى
فاطمه سليمان
عن الاخ:-
لا أطلب منك أموالا
لا أطلب شيئا أحتاجه
احتاج سؤالك يكفيني
فالقرب هو ما يعنيني
ايام وشهور بتعدي
ولا حتى كلمه بتليفون
مشغول الله يكون في العون
وحقي عليك راح فين
صلتك قاطعه لصالح مين
انا أقرب من أي قريب
انا اختك مش حد غريب
محتاجه كلمه تطمني
محتاجه ايدك تسندني
انا عايزه أحس انك جنبي
انا فاكره وصية أبوك ليك
حافظ صون ود وجمع
اخواتك انت كبيرهم
اخواتك خلي بالك منهم
وشهادة لله لا حافظت ولا يوم جمعت
ومهما حاولت أقرب الاقيك انت بعدت
ممكن أكون غلطانه بس اكيد انك قصرت
لا نفذت وصية ولا لرحمك وصلت
وعموماً انا عايزه اطمن عليك
وبدعيلك من قلبي ربنا يخليك
