رضوى الشربيني تثير ضجة على التواصل الاجتماعي بعد ظهورها بالحجاب.

أثارت الإعلامية رضوى الشربيني ضجة على مواقع التواصل الاجتماعي بعدما نشرت صورة لها ب الحجاب تزامنًا مع أول أيام رمضان .

وعلّقت رضوى على الصورة كاتبة: “ترددت كتير أوي قبل ما احط الصورة دى.. يمكن علشان كان نفسى تبقى أول صورة ب الحجاب لما ربنا يكتبه ليا بجد ويمكن كنت خايفه اتهامى بالتمثيل أو ادعاء الفضيلة”.

واستطردت: “بس أول مرة أحس إنها صورة معبرة للكلام اللى عايزه اقوله.. السنه دي إحنا كلنا قاعدين فى البيت ودى فرصة ذهبية لكل شخص فينا.. نراجع نفسنا ونطلب منه السماح والهداية.. محدش فينا ملاك وكلنا مقصرين.. بس الأكيد كلنا عايزين ندخل الجنة.. اللى يقدر يعمل السنه دى حاجه ازيد يعملها”.

واختتمت الشربيني تعليقها قائلة: “اللى يقدر يشجع غيره يشجع.. اللى يقدر يسامح يسامح واللى يقدر يقرب من ربنا أكتر يقرب.. لعل رمضان السنه دى مختلف لينا جميعا.. رمضان كريم”.
جدير بالذكر أن رضوى الشربيني ارتدت الحجاب من قبل على الهواء في برنامجها “هي وبس”، خلال استضافتها لمصممة حجاب.##