دارت الأيام
دارت الأيام
الشاعر: إيهاب البعبولى (مصر)
دارت الأيام وعدت
…. والخطاوي مابنا بعدت
والسنين حسبت خطانا.
.والدموع لعنينا صاحبت
دارت الأيام ياصاحبي…
وكل يوم يدبحني حبي
لا البعاد نساني جرحي.
.. ولا عيونه مني هربت
دارت الأيام ودارت.
….وسفينة العمر سارت
والسما بتبكى لدموعنا…
.ومواني لقانا عدت
دارت الأيام حزينة.
..والضباب غطى المدينة
والزهور دبلت وشابت….
وشوك بعادنا طال ونبت
دارت الأيام ودارت…
..وحظوظ هوانا مالت
والشوارع طال خطاها…
.. والدموع سبقت ومدت
دارت الأيام ودارت.
….والسنين حكمت وقالت
ان سهم الحب صايب…
.حتى لو أيامه عدت
دارت الأيام عليا….
… دوبت قلبى وعنيا
فتحت ليا جروحي..
بعد ماراحت وبعدت
نشره د. حاتم العنانى (المستشار الإعلامى للوكالة)
