لو كنت قوي بتدوس .. للشاعر البعبولى
لو كنت قوي بتدوس .. للشاعر البعبولى
الشاعر: إيهاب البعبولى (مصر)
لو كنت قوي بتدوس
ع الخلق حاذر
ربك بيذل نفوس
عليك كبير قادر
خافض يوماتي رؤوس
لاتعاند ولا تكابر
افهم كلام ودروس
كله غريب عابر
ولراس فقيرك بوس
غلبان وبيعافر
شارب مراره كؤوس
وذل الحياة كافر
اسمع كلام مدروس
واعقلها يا مسافر
آخر طريقنا موت
وحياتنا سفر عابر
ساعات تعدي تفوت
وبنعمته كافر
ترحل خالي الجيب
تقابله يامسافر
وانت شايله حمول
يوم الحساب حاضر
ياريتني كنت تراب
ضافر أو حافر
ظلم العباد واعر
ظلم العباد حاذر
واحفظ كلام موزون
ياصاحبي لا تكابر
