مش مهم ::: المهم / بقلم الاعلامية هبة مصطفى

مش مهم انك تلاقي شخص يفهمك بالضبط المهم انك تلاقي شخص يعرف يتعامل معاك في كل حالاتك مش مهم انك تلاقي شخص يحبك بس النهم انة يكون عايز يفضل معاك علي الحلوة والمرة مش مهم تلاقي شخص يشوفك حلوة وذي القمر بس المهم يشوفك احلي واحدة في الدنيا مش مهم انك تلاقي واحد يعيشك في اجمل مكان المهم الي هتلاقية تشوفي الدنيا كلها معاة جنة مش مهم يفضل طول الوقت يحب فيكي ويقولك شعر وكلام حلو المهم يكون عارف يقول بحبك بشكل مختلف ويخليكي تصدقية مش مهم تلاقي الناس كلها حواليكي تتكلمي معاهم وتحكيلهم المهم يكون عندك شخص واحد بالدنيا كلها مش مهم انك تكون عارف طوب الارض وتمشي تسلم علي البشر كلها كفاية يكون عندك صاحب بجد في كل وقت تلاقية مش مهم انك تشتغل احسن شغلانة او في احسن مكان المهم تشتغل شغلانة تعرف تفيد بيها الناس مهما كانت قليلة مش مهم تعمل حاجة توصل للناس كلها والناس تمشي وتهتف باسمك المهم تعمل الي انت مقتنع بية مش مهم تبقي قدام الناس باين بانك محترم اوووي وانت بينك وبين نفسك شيطان المهم تكون من جواك ابيض وسليم حتي لو في الظاهر باين بانك طايش ومجنون مش مهم الناس كلها تشوفك كويس المهم انك راضي عن نفسك وعارف انك تستاهل تكون كويس مش معم يكون في ايدك احسن موبايل وراكب احدث عربية المهم تكون من حلال مش مهم تربي دقنك عشان الناس تقول انك متدين وانت بتسب وتلعن المهم الاحترام بدقن او غيرة مش معم تكون بتكتب كلام كويس لغة ومفردات المهم انة يكون طالع بجد من قلبك حتوصل بية لهدفك مش مهم تقري كتب اجنبية او فلسفية عشان تبقي مثقف المهم تقري الي تستفيد منة مش مهم انا كتبت الكلام دا لية دلوقتي المهم انة الي يقراءة يستفيد بحاجة مش مهم ان الكلام كلة يكون صح المهم ان جملة واحدة منة تلمس حد فيكوا ومش مهم