لما أمي تخبز الخبزة .. لسفير الكلمة البعبولى
لما أمي تخبز الخبزة .. لسفير الكلمة البعبولى
الشاعر: إيهاب البعبولى (مصر)
لما أمي تخبز الخبزة
وتجيني
تعجن الحزن وتفرد
في عجيني
يتفتح قدامي الف جرح
ويتولد
في لحظة الحزن جوايا
جنيني
كنت خايف تتولد جوايا
فرحة
كنت شايل لاحزان العمر
ترحة
كنت شارد في بلاد ليا
جارحة
ويزيد ليك في كل يوم
حنيني
واقول امتي محطات الحزن
تولي
وإمتى أولي يم وطني
ويجيني
يا أمي يال فاردة ليا
ف المقالع
والف صاري والف مركب
للرحيل
والف تأشيرة وجاهزين
للزميل
وكل الناس بتودع
وتواسيني
و اروح للغربة وحدي
بدمعتي
بشكي ليلاتي من ذلي
و غربتي
ولما بكلم صحبي واشكي
شكوتي
بكى وقال ليه فتحت جرح
سنيني
