راجعة ليه
راجعة ليه
الشاعر: إيهاب البعبولى (مصر)
راجعة تانيه ليا ليه
راجعة عايزة مني إيه
بعد مابعت إنتي حبك
و دوستي ياما كتير عليه
ياما دوبني الجراح
ويا ماقلتي كتير سماح
ليه هجرتي وليه بعدتي
وليه حبيبتي خونتي ليه
وفي النهاية تروحي عني
تخدي حتى الضحكة مني
تشتري مني حياتي
وتبعيني غصب عني
بعتي ليه قلبي إل حبك
دوستي ليه إنتي عليه
ليه هجرتي وليه بعدتي
ليه حبيبتي خونتي ليه
وراجعة تاني تبكي ليه
تشكي نار الهجر ليه
تحكي ليا ع السنين
وعن عنيكي التعبانين
وعن سنين الغربة بعدي
عن مشاعرك والحنين
يا حبيبتي حرام عليكي
داري عني دموع عنيكي
سيبي قلبي كفاية ليه
إل شافه كتير عليه
مش هيتحمل حبيبتي
هجر تاني وطعن فيه
روحي إنتي الله يسامحك
وقلبي ليه إل يراضيه