حبس إنفرادي للشاعره شيرين عرموش
حبس إنفرادي للشاعره شيرين عرموش

بقلم / شيرين عرموش
المشاعر صادقة فيا
والحبس كان حبس انفرادي
والجريمة إني ضحية
وحبي كان مش حب عادي
والكسور ف القلب واجعه
اللي عشري واعتيادي
والهموم بتهد فيا
مهما زودت اجتهادي
والمرار باين عليا
مهما خبيته ف فؤادي
ياللا احكم ف القضية
ياللا نادي ع المنادي
شوف غرامي يساوي كام ؟؟
بيع حنيني ارفض ودادي
سيب غرام قلبي يموت
شوف حقيقتك يوم حدادي
ارمي جوه الحكم زور
هين مشاعري افتح مزادي
جاريه ليا تعيش وتعشق
وف النهاية اخد مرادي
زي أي واحده غيرها
ما خدت خيرها واعيش حياتي
أيه هايفرق فيها عنهم ؟
كله واحد ف حساباتي
ناسي إن الجارية عقلت
والنهاردة يوم ميلادي
والآسي اللي زرعته فيا
يوم حصاده لسه آتي
يوم دموعك ما هتبقي مايه
ونبت قلبي طارح عنادي
و لو فاكرني إني هاضييع
ف العشق عمري ما هاكون هنادي
كلمات / شيرين عرموش
28/6/2121