معاقة ولكني عملاقة

كتب / حمادة فرج

شعر / مروة سعيد …

أنا عمري ما كنت ولا هكون في يوم معاقة أول ما جيت على الدنيا كنت فعلا واحدة ثانية كنت أول فرحة جاية كنت أول بنت بتبدأ قصة حياتهم ألي جاية فرحو بية فرح مايتوصفش بس يا خسارة فرحتهم مادمتشي بعد شهرين صدمهم الدكتور بأني مبشوفش كان نفسي أكون بنت عادية كان نفسي يشوفوني بنت طبيعية كنت وقتها مش فاهمة حاجة كنت طفلة صغيرة كان كل حلمي أشوف مطرة نزلة من السماء أو فراشة طايرة صغيرة كان نفسي يشوفوني زي أي بنت بس انا فعلا معشتش طفولتي زي أي بنت راحو بيه عند كذا دكتور عيون وكل دكتور يروحوله يقولهم مفيش أمل بالتالي حسو مني بالملل بدأو يشوفولي مدرسة متخصصة ليه قالو هتحتويها وتتعلم فيها وممكن يوم تبقى أنسانة طبيعية وشافو ليه مدرسه بجد بتنتهي يوم الخميس وتبدأ يوم الاحد يامى بكيت فيها وقلت عايزة ماما كنت محتاجة لأحلى ابتسامة كلامكم صح على فكرة أحنة مكفوفين في مننا أدباء وفنانين ومخترعين منهم الفنان عمار الشريعي والأديب طه حسين الكفيف كفيف البصيرة مش كفيف البصر أنتم ديما كلامكم بيجرحنا مش محتاجين شفقة منكم ولا رحمة كلامكم بيوجعنا كأنه سكينة بتدبحنا أحنة بنحس وبنفكر وبنعبر بس أحنا مش بنتقدر انا كفيفة وراضية وبحمد ربنا أنتم مش أحسن مننا بدأت حياتي الجامعية قلت هعيش فيها حياة طبيعية قلت هيبقى عندي صديقة تحتويني وتحس بيا أنا نفسي أكون أشهر أعلامية أنا كفيفة بس عمري ما كنت ولا هكون في يوم معاقة