ارتجال قلم للشاعر طه إبراهيم

ارتجال قلم للشاعر طه إبراهيم

 

**********************

 

يا جماعه بجد انا متكتف

 

و بلاوي عليا بتتحدف

 

و بتنزل علي ام نفوخي

 

و كمان بتزود ف جروحي

 

مش عارف ايه اللي حصلي

 

رغم اني بسبح و بصلي

 

و كمان غلبان علي نياتي

 

ماخصمتش ابدا ف حياتي

 

و بحب اسامح و اصالح

 

و بحب اتكلم ف مصالح

 

طول عمري مؤدب وف حالي

 

ولا عيني بصيت ف العالي

 

لما امشي ادو ر ع الحيطه

 

ولا احب اللمه ولا الزيطه

 

ولا ليا ف شغل البلوتيكا

 

وبخاف من صوت المزيكا

 

وبحاسب جدا في كلامي

 

وشعور الناس لو قدامي

 

وان قولت يا ناس انا مستعجل

 

اتبرجل دغري و اتكعبل

 

وزهقت يا ناس من دي العيشه

 

لا عملت حساب ولا تحويشه

 

واخرتها يا دنيا يا مجنونه

 

منفوخه زي البلونه

 

والنفخه بتاعتك ع الفاضي

 

ماتشوفي عمايلك ف الماضي

 

انا عارف انك مش جنه

 

ولا هطلب منك واتمني

 

مش عايز منك ولا حاجه

 

هديليك حقك وزياده

 

بقلم …… طه ابراهيم