…..رباعيات طه إبراهيم

……رباعيات

 

*****************

 

لما اللي منك يجرحك

 

.

ويسن سيفه ويدبحك

 

.

ويشمت الناس والعدا

 

.

عايز يولع مطرحك

 

…………………..ً

 

.

لما اللي منك يدوسك

 

.

لو شم ريحة فلوسك

 

.

يعمل حبيبك وصاحبك

 

.

لو طال دماغك يبوسك

 

……………………. .

 

.

لما اللي منك يخونك

 

.

مستني دمعه عيونك

 

.

يفرح ويشمت ف جرحك

 

.

مستني لحظة جنونك

 

………………………..

 

لما اللي منك يهينك

 

.

ويشك دايما ف دينك

 

.

ولا كلمه حلوه ف حقك

 

.

وإن قال شهاده يدينك

 

……………………….

 

لما اللي منك يضلك

 

رغم انه عايش ف ظلك

 

لو يوم طلبت النصيحه

 

يعمل فضيحه يذلك

 

وعجبي …………………

 

طه ابراهيم.