وجالنا الجمعة من تانى ” كلمات لأميمة الشرقاوى
بقلم أميمة الشرقاوى
وجالنا الجمعة من تاني. لكنه خالي م الأحباب
بنصحي في البيوت نجري. ندور فيها ع اللي غاب
زمان كانت أمي تصحيني. عشان أنزل أجيب العيش
وأدعي ربنا ف سري. ع بال موصل مايقفلشي
ويقولي أمشي… خلصنا مفيش
و أبويا كان يوصيني. أجيب له جرنان الجمعة
عشان أرجع آخد بقشيش
وكنا أوام بنتجمع. ونفطر كلنا ونشبع
ومن بعديها نتوضا. ونمشي نمد في الخطوه
عشان نلحق بقه الخطبه. نركز فيها دي ونسمع
وبعد ماتخلص الجمعه. نروح فرحانين ع البيت
و أبويا يجيب لنا الفاكهه. وأمي مولعالنا بخور
وريحته ماليه كل البيت. وجايبالنا القناة الأولي
ماهو الشعراوي بيفسر. ونقعد نسمع السورة
ع بال م الأكل يتحضر
لكن دلوقتي فين الدار. وفين أهلها وناسها
وفاضل مين كده فيها. ومين يعطينا إحساسها
دا حب الدنيا كان فيها. وكان الود دا أساسها
مش كده ولا إييييييه
الكاتبة مدير عام بالتعليم العام