مواقف تعرفك :بقلم إيمان العدوى
كان في ناس في حياتي عمري ما تخيلت إني أقدر أعيش من غيرهم.. وأديني عايشه عادي من غيرهم، وفي ناس ما كنتش ببطل كلام معاهم ودلوقتي ما بقوش موجودين ولا نعرف حاجة عن بعض…
ا لغريب إن مش فارق معايا ولا بحن ولا حتى حاسه بأي تأنيب ضمير ودا لإني ما قصرتش في حق حد وعارفه إني عملت اللي عليا وزيادة كمان…
لما تلاقي الناس شيفاك مبسوط ومرتاح سواء ماديا أو اجتماعيا متقولش انتو متعرفوش انا جوايا ايه احمد ربنا عشان دا ستره ليك
في مواقف على قد ما هي بتضايقك وتزعلك وتوجعك لكن فعلا بتعرفك كُل انسان على حقيقته، بتعرفك معدن كل واحد على أصله ، بتصور لك وتعرفك اللي انت لازم تعرفه وتسمعه من زمان..
وساعات فعلا ممكن ما تنامش بسبب كلمة قالها حد وسط الكلام …وساعات كلمة بسيطة تقفلك لأسابيع قدام ..
لو جيت للحق المفروض ما تزعلش
انت المفروض تفرح إن ربنا كشف لك اللي جوا النفوس بدون أدنى مجهود منك ..
