عبير صلاح الدين تكشف عن خلافها مع الفنان محمد صبحي في برنامج كلام الناس المذاع علي قناه امبسي مصر

وليد محمد

استضافت الاعلاميه ياسمين عز في برنامجها كلام الناس المذاع علي قناه امبسي مصر الفنانة عبير صلاح الدين

حيث كشفت الفنانة عبير صلاح الدين، لأول مرة خلافها مع الفنان محمد صبحي، وعدم تعاونها معه في الأجزاء الأخيرة من مسلسلهما الشهير “يوميات ونيس”.

وقالت: “الحقيقة بتزعل، لو قلت الحقيقة هزعل ناس كتير جدا، وهيزعلوا مني ناس كتير، وهتهاجم جامد واللجان الإلكترونية هتدخل هتروقني ومحدش هيصدقني، وهيقولوا هو اللي عملها بس ربنا شاهد وربنا عارف”.

وأضافت: “بعد 10 سنوات رجعنا نعمل الجزء السادس، وكان حلو وفيه نجوم كثيرة، وعمل رد فعل كويس”، وتابعت: “الجزء السابع مكنش ينفع إننا نكمله، لأنه كان مط وتطويل وحصل فيه خلافات كتير وتوقف التصوير مدة 6 شهور صورنا فيه شغل وناس اتخانقوا مع بعض فمشيو فاضطرينا نعيد التصوير تاني ببلاش بدون أجر”.

خلصنا الجزء السابع بطلوع الروح
واستطردت: “كملنا الجزء السادس وإحنا في حالة شد وجذب وناس مشيت وناس قعدت”، موضحة: “أنا كانت مشاهدي فيه صامتة، ولما خلصنا الجزء السابع بطلوع الروح، وأما قالوا هنعمل التامن أنا رفضت فمحمد صبحي قالي إزاي تعملي كده”.

كشفت الفنانة عبير صلاح الدين، عن أسباب هجرتها إلى كندا، قائلة: “استمريت في كندا لمدة 6 سنوات”، وتابعت: “غيرت كارير حياتي، وقررت أشوف حاجة تانية أعملها غير الفن والتمثيل لذلك قررت أهاجر لكندا”.

وأضافت: “الشخص إذا لقى الأبواب كلها قفلت في وشه يدور على حاجة تانية في حياته ممكن يكون ربنا عايزه يروح لها”، واستطردت: “أما حسيت إن الأبواب كلها قفلت في وشي هاجرت إلى كندا”.