عصام امام شقيق الزعيم ينفي شائعات غيابه عن الفن

وليدمحمد

حرص المنتج عصام إمام، على نفي الشائعات التي ترددت مؤخرا بشأن غياب شقيقه الزعيم عادل إمام عن الفن، وأنه لن يقدم أي عمل فني خلال الفترة المقبلة.

وأكد عصام إمام في تصريحات خاصة أن الزعيم سيقدم فيلم «الواد وأبوه» قريبا، قائلا: «احنا شغالين على الفيلم، وكمان أسبوعين تلاتة هنبدأ في قعدات التحضير عشان نبدأ في التصوير».

وأشار إلى أن الزعيم عادل إمام بخير، قائلا: «هو زي الفل وتمام التمام ومفيش حاجة خالص، وأنا مش هقعد أرد على كل حد، وأنا برد عشان أطمن الناس على صحة الزعيم وأطمن الجمهور والمحبين عليه في كل حتة في العالم؛ لأن بيجيلي مكالمات من أستراليا وأمريكا بيطمنوا عليه، لكن هو بخير».