خيال مريض . الشاعرة سارة السيد رجب

إعلامى د. حاتم العنانى

الأديبة الشاعرة القاصة / سارة السيد رجب مدين تشقت طريقها فى المجال الأدبى حققت المكانة الرائعة والتألق الواضح حيث أضافت للمكتبة الثقافية العربية بما تمتلك من تميز وتفرد، وما لديها من بصمة خاصة مدهشة لافتة، أديبة تفوقت على نفسها رغم صغر عمرها.

خيال مريض 

الشاعرة: سارة السيد رجب (مصر)

نفسي الدنيا تبقى حلوة
والناس تحب بعض
لكنه خيال مريض
نفسي ما يكونشي
في حد جعان
ومحدش تعبان
بس خيال مريض
نفسي ترجع ستو
وأترمى في حضنها
بس ده خيال مريض
نفسي عيلتي كلها تتجمع
بس ده خيال مريض
نفسي الدنيا تبقى أمان
والجيران إيد واحدة
بس خيال مريض
أصلاً ما فيش
في العيلة الواحدة
إيد واحدة
بس عادي. ده بس
خيالي اللي مريض
بس بكرة لما أكبر
هأرسم الواقع بتاعي
مش هخليه مريض
هأكتب أحلامي
وإن شاء الله هحققها.
هكبر وأتجوز
وأخلف أولاد كتير
وأربيهم وأعلمهم
إن البركة في العيلة الواحدة
والأكيد هيبقي حقيقة
مش زي القصص والروايات
ومش هخليه خيال مريض.

والله ولى التوفيق