ترشيحات اليوم الثاني مهرجان القاهرة السينمائي
وليد محمد
فيلم The Fabelmans | الساعة 12م | المسرح الكبير (دار الأوبرا)
فيلم الافتتاح للمخرج الأمريكي الشهير ستيفين سبيلبرج
الفيلم كان مشارك في مهرجان تورنتو السينمائي وفاز بجايزة الجمهور (مش حاجة كبيرة)
تقييم ميتاكريتك 84%، ودي نسبة كبيرة فعلا، بس أنا شخصيا مابثقش في تقييم ميتاكريتك لأفلام هوليوود
لكن رغم كل ده، ردود الفعل على الفيلم إيجابية جدااا
فـ هاا نسأل الله التساهيل
ده العرض التاني والأخير للفيلم
———————————————-
>> فيلم R.M.N. | الساعة 4م | المسرح الصغير (دار الأوبرا)
فيلم المخرج الروماني الشهير Cristian Mungiu اللي فاز بالسعفة الذهبية من مهرجان كان عن فيلم 4 Months, 3 Weeks and 2 Days
وفاز بجائزة الإخراج، وجايزة السيناريو من مهرجان كان عن فيلمين مختلفين
الفيلم كان مشارك في المسابقة الرسمية لمهرجان كان السينمائي
تقييم ميتاكريتك 75%
العرض التاني للفيلم هيكون يوم الخميس 17 نوفمبر، الساعة 2:45م في المسرح الصغير (دار الأوبرا)
———————————————–
>> فيلم Alcarràs | الساعة 6م | سينما الزمالك 1
الفيلم الفائز بجايزة الدب الذهبي (الجايزة الكبرى) من مهرجان برلين السينمائي. (نقطة)
الفيلم واخد تقييم 87% على ميتاكريتك، وده تقييم ممتاز
ده العرض التاني والأخير للفيلم
————————————–
>> فيلم I Have Electric Dreams | الساعة 8:45م | المسرح الصغير (دار الأوبرا)
اسم الفيلم جميل جداا 😀
الفيلم فاز بجوايز أفضل ممثل، وأفضل ممثلة، وأفضل مخرج من مهرجان لوكارنو السينمائي، وده مؤشر كبير إن الفيلم هيبقي جميل
مفيش تقييم على ميتاكريتك
العرض التاني للفيلم هيكون يوم الأربعاء 16 نوفمبر، الساعة 2:30م في سينما الهناجر (دار الأوبرا)
————————————–
>> فيلم Our Ties | الساعة 9:15م | مسرح النافورة (دار الأوبرا)
فيلم المخرج المغربي رشدي زيم
الفيلم كان مشارك في المسابقة الرسمية لمهرجان فينيسيا
الفيلم هيكون ليه عرضين كمان الأول يوم الخميس 17 نوفمبر، الساعة 3م في سينما الزمالك 1
والتاني هيكون يوم الجمعة 18 نوفمبر، الساعة 8:45م في المسرح الصغير (دار الأوبرا)
————————————–
>> فيلم Final Cut | الساعة 12ص (منتصف الليل) | سينما الزمالك 1
مخرج الفيلم Michel Hazavicinus هو صاحب الفيلم الجميل The Artist اللي فاز بخمس جوايز أوسكار من بينهم جايزة أفضل فيلم وأفضل مخرج
وبالإضافة لفيلم The Artist المخرج ليه فيلمين كمان اترشحوا للسعفة الذهبية في مهرجان كان
فيلم Final Cut مراحش أي مهرجانات مهمة، وتقييم ميتاكريتك 51%، وده تقييم سيء، فالفيلم ممكن يبقي مجازفة إلى حد ما
الفيلم هيكون ليه تالت وأخير هيكون يوم الأربعاء 16 نوفمبر، الساعة 9م في سينما الزمالك 2
