خليكى بكرة فاكراني شعر سكينه الصولي

خليكى بكرة فاكراني

***************

شعر/سكينة الصولى

يادنيا عليا ليه قاسية

ولكل عذابي ليه ناسية

وإن قلت حصلى ده أمبارح

تقوليلى بلاش كلام جارح

فأسلم أمرى للمولى

***************

وتعودى تقوللى بس خلاص

وتبعدى عنى كل الناس

وأنا عايشة على الإخلاص

يادنيا ماعادش فيكى خلاص

لاقوة معاكى ولاحوله

****************

خليكى يادنيا فاكرانى

وبددى كل أحزانى

ويملا الفرح وجدانى

وكل الحزن ينسانى

وكل منا له جولة

*************

دأنامش طالبة غير فرحة

علشان أغير الطرحة

وتبقى زى لون روحى

وأداوى همومى وجروحى

وتبقي منى دى محاولة

*****************

دأملى وكل منى عينى

يادنبا الحزن تنسينى

ولبر الفرح تاخدينى

ماتنزل دمعتى تانى

وأنسى ظلم أنا عشته

وأودع هم عايشته

ومهما يكون أنا صامدة

وعاقدة العزم ع العودة

ويارب أكون من السعدا

وأسعد أهلى وزمانى

وأنسي جرحى وأنينى

وأمسح دمعى من عيني

وإقول يادنيا عدينى

لشط الفرح فى سنينى

وأكسب فى الهنا جولة