باحلم ببكرة شعر/سكينة الصولى
بأحلم ببكرة
بأحلم ببكرة يكون نادى
ويهل فجره على الوادى
ويعم خيره على بلادى
وتبقي دنيا عال العال
*****************
بأتمنى بكرة يكون أحسن
وشموسه فى قلوبنا بتسكن
وأقول يابكرة النور شكرا
إنك بتعشق كل جمال
******************
ومسير الأحلام تتحقق
والمستحيل بكرة يصدق
أن إللى جاي لينا أروق
حايعدى بينا إى محال
*****************
كلماتى يابكرة حقيقة
وروحنا يادنيا بريئة
يارب نجينا م الضيقة
وأفتح ببكرة كل مجال
******************
والعدل دستورنا وميزان
والرحمة تضوى فى كل مكان
ونعيش فى ود وهنا وأمان
مانشوف يابكرة فيك أهوال
**********************
وولادنا روح روح المستقبل
فى الغد حايلاقوا الأجمل
دا بكرة بيهم راح يكمل
ولنا يحقق أغلى أمال
*****************
يابكرة مستني التغيير
ساعة طلوعك كله يسير
رجنا لزمان الأساطير
وتبقي ناسنا أحلى مثال
والكل يصبح عال العال
