عصرالزفت قصدى النت شعر سكينة الصولى
عصر (الزفت) قصدى النت
شعر/ سكينة الصولى
من بعد الدش وعصر النت
لقينا حياتنا زفت الزفت
ونسينا عاداتنا وتقاليدنا
يامين م الوش دا ينجدنا
ونعود لوصايا أجدادنا
والواد مايقلد شكل البنت
من بعد الدش وهوجة النت
البنت تخش فى قلب الشات
تتعلم منها كتير ٠٠٠٠ تفهات
وإن حاول حد يقولها عيب
بيلاقي منها كتير تأنيب
فياريت مايخلص الوعد يغيب
ونراعى ضميرنا فى عصر النت
٠٠٠٠٠
دى واحاتنا ياناس جلبها مرجوف
وغراب النت عليها بيطوف
نتمنى تعود للعيش فى أمان
مرفوعة الراس عاليا البنيان
ويعود الحب كمان وكمان
والنت يسيب الناس ويكت
ولاجوة النت نقول ونلت
٠٠٠٠
أما البحرية عليها العين
النت واخدها ياناس على فين
أهلها عايشين علطول تقليد
تقليد الغرب ياناس مايفيد
مع إنى بأشجع كل جديد
لكن التجديد محتاج:( أرتست )!؟
٠٠٠٠
ونهايته ٠٠٠٠ النت أداة تطوير
عن شرط نعامله بروح وضمير
ونربى ولادنا على الأخلاق
علشان ننقذهم من دا وباء
لجل يعيشوا فى هدى وصفاء
يحموا بلدهم ٠٠٠ فوق وتحت
