“ماشيين الطريق ماشيين وعشان مصر متفقين.. ولو قابلنا إيه نعديه”.. من احتفالية يوم الشهيد

نشرت الصفحة الرسمية للمتحدث العسكري العقيد أركان حرب غريب عبدالحافظ غريب، على موقع التواصل الاجتماعي “فيسبوك”، مقطع فيديو لأغنية تحت عنوان “ماشيين الطريق”.

وحملت الأغنية عبارات، مثل “ماشيين الطريق ماشيين وعشان مصر متفقين.. لو قابلنا إيه نعديه.. عارفين إحنا رايحين فين”، إضافة لعبارات أخرى تحفز المصريين على مزيد من الجهد والعمل لبناء الجمهورية الجديدة.

جاء ذلك خلال مشاركة الرئيس عبدالفتاح السيسي، اليوم الخميس، فى الندوة التثقيفية للقوات المسلحة الـ (٣٧) بعنوان “الثمن”، وذلك في إطار الاحتفال بيوم الشهيد والمحارب القديم، بمركز المنارة للمؤتمرات بالقاهرة الجديدة.

وخلال كلمته، أثناء الاحتفالية، وجه الرئيس عبدالفتاح السيسي رسالة إلى الشعب المصري، أنه كان هناك خياران عندما تولى المسئولية، الأول “كنت أشيلكم الهموم ونوقف الأعمال وأخلي الموضوع معاكم، ونعمل حشدا إعلاميا ضخما، والحرب فعلا مكنتش بسيطة، أقسم بالله ممكن أذيع فيلما واحدا لو شفتوه ما حد هينام، بس معملناش كده”.

وقال: “كان هدفنا تحقيق التنمية مع القضاء على الإرهاب.. كل شهر على الأقل مليار جنيه موجهة لهذا الهدف، ولمدة 90 شهرًا.. وعايز أقول للناس في مصر، إحنا دفعنا تمن كبير جدا للقضاء على الإرهاب”.

أضاف: “فيه ناس مش بتنام، وفيه ناس بتستشهد علشان نعيش في سلام، وحقهم علينا إنهم يشعروا إن التمن والتقدير من جانبنا كلنا كبير جدا.. عايزين نكون أكثر صلابة علشان التحديات كتيرة ومش هتنتهي، واستعادة مكانتها أمر ليس باليسير”.

وقال “بدأت المعركة معاهم، وكنا بنقول إمتى تخلص، لكنا كنا عارفين إنها هتخلص.. إحنا هنعمل معرض للحرب دي.. الحرب دي كان فيها معدات حرب فعلا، بس الحرب دي كانت أكثر شراسة.. العدو التقليدي أنت عارفه وبتشوفه وتعامله وجهًا لوجه، التاني لأ.. مش بتشوفه، لأنه بيتخفى وسطينا.. يهاجمك ويجري، وطبعا الناس موجوعة على ولادها ومستقبل بلدها، لكن الحمد لله نجحنا، هنوريكم الصور بالاسم، لكل اللي كانوا مجرمين هناك.. بالاسم والصورة، لكل مجرم من المجرمين دول.. اوعوا الموضوع ده يتكرر تاني.. اوعوا يا مصريين تتسببوا في خراب بلدكم، الكلام ده اتعمل لما البلد فكّت في 2011، وهتحاسب على كلامي أمام الله.. علموا الكلام ده في المدارس والإعلام والكليات، تدمير الدول من الداخل أخطر شيء”.