بقلم مريم علي .. ثقتك بنفسك هي الهدف !

ثقتك بنفسك هي الهدف .. 
بمعنى الثقه بالنفس هي كل شخصيه الانسان لأن دايماً الشخص الواثق بنفسه ناجح مسألتش نفسك هو ليه ناجح لأنه واثق ف كل قرار بياخده وحاسبله كويس، الثقه بالنفس هي اللي تحللك اي مشكله وتتغلب عليها، مش هتخليك تسمع لآراء اشخاص غير سويه عيزينك تفشل هتحددلك هدف معين هتخليك شخص ناجح وغير قابل للنقد السلبي مش هتخلي حد ياخد عنك فكره غير الأفكار اللي انت عايز الناس تاخدها عنك، هيكون عندك قيمه وكيان وسط الناس ووقتها هتقدر تدخل اي نقاش وتجادل براحتك وتكسب لأن اولاً انت صح ثانياً واثق من نفسك، من اهم انواع الثقه هي ” الثقه ف ربنا” يعني تكون واثق ف اخيارات ربنا الجميله لينا وانه دايماً حنين علينا ومش كل حاجه نفتكرها خير تبقى خير { وعسى أن تكرهوا شيئاً وهو خير لكم وعسى أن تحبوا شيئاً وهو شر لكم } ف مجمل الكلام الثقه بالنفس ف كل أحوالها جميله لكن لو زادت عن حدها ف هتتحول ل ” غرور”