الراحله بقلم هنا محمد

الراحله

يحكي ان الأم قبل الرحيل حبت تودع ابنها الوحيد بكلمات تكون لعقل نصير من غير تجريح وعلي القلوب يكون تقيل

خافت عليه من كل اللي حواليه ومن الدنيا البغيضه علي امل انه في يوم يفتكرها ويقول البعيده القريبة .

قالت له ياولدي اسمع كلامي زين وحطه جوا اذونيك

لا العمر بيستمر ولا الدنيا بتدوم اعقل الكلام قبل القول وأعرف الصاحب وقت الهموم واسعي لرزق وسبح لرب الكون

ولوقعت هتعدي و تيجي سليمه ما انا قولتك الدنيا عنيدة

هتعدي و تيجي سليمه ما انا قولتك الدنيا عنيده

قولتلك ياولدي امشي جمب الحيطه

عملت فيها شجيع سيما شجيع

رايح جاي مع عيال ملهمش ايمه

عمالين حبايب وهم ولاد لأيمه

 يا ولدي خليك مرفوع الراس صدقني عمرك متنداس

والحق علي رقبتك يتقال والغدر لو في طبعك تنداس بالمداس وخليك فاكر كلامي زين وقعة الشاطر بتنكتب في الدفاتر هتعدي و تيجي سليمه ما انا قولتك الدنيا عنيده

خليك معافر ذي الجيش في وسط المعارك أسد وبن اسود وعلي يدك النصر يسود ولو في يوم حنيت لصبيه اوعي تفقد الهيبه ديا واخترها بنت ناس متربيه تكون ليك السند والامل لبكره تتأتمن هتعدي وتيجي سليمه ما انا قولتك الدنيا عنيده