قاعد مع ستي العجوز وهي في ايدها الكوز تحت شجرة الزيتون فرشا حصيره وجمبها خرطوم قالتلي زمان كنا
نلم الدودة من القطن ونسقي القصب والقمح
وانام من العشا وقوم والدنيا مدخششه
ارعي الغنم وحلب البقر
زمان كان امان كان النبوت يجيب حق الغلبان
زمان كانت العيشه هنيه ونملنا شويه الضهريه
كن نلف الطحونه في بيت المونه تلقي الشعير والرز الوفير
كنا نركب الكرو وتلقي الحصان جرو ونزف العروسه في الحنطور ابو كوشه وتلاقي الخلخال في رجل الصبيه ميزان
متسمع صوته ولا حتي من رجلها يبان
زمان كنت تلاقي رجاله بشنابات والعمامه علي روسهم ما
ماتنشال
زمان كنت تلاقي في وسط الدار الصبايا تغني ليل ونهار
وتلاقي الرجاله علي الترعه يمصو قصب و نزلين هزار
والصغار يصطادو حمام الجار ويرحلو من دار لدار
ونلعب حجله ونقلان والشاطره اللي لضفيره جدله وتملي البلاص قبل الطير ما ييات
نسيت اقولك كمان انه زمن الطيبه والامهات اللي علي ضناها تخاف
وتعمل حساب لجوزها اللي غاب ولو يوم غضب في وشه بتبسم
والضيف كان موجود في الاصل مكتوب تعمل حسابه قبل القدوم
خدها مني حكمه الجار قبل الدار والصديق وقت الضيق ورزقك هيجيك من غير صراع ولا تقاطيع
