الأولعبان شعر/ سكينه الصولى
الأولعبان
شعر/ سكينه الصولى
حبيت إنسان بان م العنوان
زينة الجدعان ٠٠٠ وأنه هاوينى
٠٠٠٠٠
فرش الألوان عزف الألحان
فتح البستان ٠٠حلى سنينى ٠٠
٠٠٠٠٠
كان شكله جميل سهرنى الليل
ورانى الويل٠٠٠ قالى شارينى
٠٠٠٠٠
أتاريه تعبان وفى سمه حنان
فشر الشيطان ٠٠ طلع عينى ٠٠
٠٠٠٠٠
وصبحت ضحية وده مش بإيديا
من شاب هفية ٠٠ زاد فى أنينى
٠٠٠٠٠
يارب الناس٠٠ تاه الإحساس
خلى الوساس ٠٠ ينسي يجينى ٠٠
٠٠٠٠٠٠
كان (سمه) زعاف كامل الأوصاف
ولا فيش إنصاف ٠٠ مين يواسينى
٠٠٠٠٠
يارب الكون أنا كلى ظنون
والدمع أتون ٠٠ م إللى كاوينى٠٠
٠٠٠٠٠
أنا توبت خلاص عن بعض الناس
دا ساقونى كاس ٠٠ مر أنينى ٠٠
