ألام الحب الصامت بقلم إيمان عبد العزيز زايد
كتبت / إيمان عبد العزيز زايد
موقف بيحصل مع ناس كتير
أنك تكتشف أن الى حوليك هما السبب فى المشاكل و الالم النفسى و الجسدى الى انت فيه و أنهم بتوع خطط و لف و دوران عشان يبعدوا إنسان عنك يمكن هو الشخص الوحيد الى حبك على وضعك من غير اى اهداف من غير اى طلبات من غير ما يكون عايز منك حاجه من غير ما يلزمك باى حاجه من غير حتى ما بتعرفث لك عن مشاعره لك عشان ميلخبطش حياتك . عايش حاله حب صامت و كل الى عايزة تبقى كويس و بس و يفضل يستحمل و يستحمل أذية الى حوليك له يمكن انت تفوق أو تفهم أو تربط الأحداث ببعض ايه مصلحتهم فى تشويه سمعة الشخص دة و قاعدين يحوطو عليك عشان يقطعوا كل سبل التواصل بينكم
الشخص دة من كتر ما اتحمل عشانك بيجى عليه لحظة يكره اليوم الى شافك فيه
و تخسرة للابد بعد ما يفيض به و يكشف لك هو اتحمل عشانك ايه فى صمت
المشكله انك بتبقى حاسس أن فيه حاجه غلط فى تصرفات الى حوليك
بس مفكرتش ليه
ف ليه بتتصدم لما يوريك الجانب الآخر من الى شافه بسببك
ما انت حاسس بس لاغى تفكيرك
و دى نتيجة طبيعية
إن مفيش حد هيفضل ساكت على طول
و لا هيفضل مستحمل على طول
و لا هيفضل جاى على نفسه عشانك على طول
