للحب معانى شعر/سكينة الصولى
للحب معانى ** شعر/سكينة الصولى
بعد آلامى وكل العذاب
ويا جراح قلبي إللى داب
جايين كده وبكل صراحة
يزرعوا بينا ( أمل) كداب
راجعين تانى يدقوا الباب
آل بيقولوا إننا أحباب
خلوا الحيرة مسكت فيا
حتى الدمعة بانت في عنيا
ولافيش طيبة ولا حنية
وكل كلامهم لوم وعتاب
وآل بيقولوا إننا أحباب
******************
فيهم إحتارت ياقلبي بجد
بين عمايلهم جذر ومد
دقت مرار مع صد وعند
وكأننا في الكون أغراب
ليه داالحب عطاء بضمير
أحلى معانى ولا فى الأساطير
شفت أنا منهم غدر كتير
ودا كله ومن غير أسباب
وآل بيقولوا إننا أحباب
******************
سيبكوا ياعالم من دى حكاية
ليه القسوة فى عرفكوا غاية
كان الود مابينا وصاية ٠٠٠٠٠
لكن طلع الحلم سراب٠٠؟!
لو عايزين نرجع م الأول
خلوا الألفة مايوم تتسول
يطرح بينا الحب يطول
نفتح بيه كل الأبواب
علشان نرجع تانى أحباب
