صباحك عيد في الجنه يا أمي بقلمي غاده دكروري

بقلم/ غاده دكروري

صباحك عيد ياأمي

……

اصل النهاردة …بيقولوا العيد!!!!

…..

أمي الغالية …أخبارك أيه

 

بقالك مدة ….مجتنيش ليه

انا كنت بقول .. أنا غير

 

أنا امي بتجيني كتير

 

كنت بقول لأخواتي

 

وأحكلهم عن زياراتك في أحلامي

فاكرة لما ابتسمتيلي

طيب فاكرة حتي لم حضنتني

طيب فاكرة لما سألتك

بتروحي ياحاجة فين

قلتيلي انا جمبك ووممتش

طيب فاكرة حتي الحلم

ال كان فيه ابويا معاكي

بطبطبي عليا وبتواسيني

طيب انا مش عارفة اقولك

ايه …

كل ال انا عايزة اقول ليكي .

برتاح جمب قبرك

وبقعد اوصية

اقوله …هنا يرقد …جسمان

أعز الناس …أمانة ياقبر لتكون حنين

اصل أمي بين مرض وقدر رحلت

بدون كلام ولا أستاذان..

كالعادة كانت هادية

تعبانة هادية زعلانة هادية شغالة هادية

..حتي لما ماتت ماتت راضية ..

. أمانة ياقبر تكون صاحب ليها ..

اصل أمي الدنيا حطت عليها..

وهي كانت راجل بجد مكنتش بتتهد.

أتدري ياقبر من فيك …

فيك أمي وبجوارها أبي

وخويا عمرو واختي منال

كانوا سبقوهم…

عايزه اقولك حاجة ياقبر

الناس النهاردة …الكل بيهني

والكل بيعيد ..بس انا قاعدة

بدور علي عيد كان فيه ابويا

وامي…

عن ذكره كانت ما بنا

عن ضحكة ..عن حكاية …

اقولك حتي عن زعل أو مناهده

عارف ياقبر…..

عايزه اقولك إيه كمان

خليك ليهم …ونس

خليك صاحب خليك أمان

اصل يومهم معاك طويل

عايزه اقولك حاجه تانية

أمانة ياقبر توصلها ليها

عايزة اقولك

تقول لأمي

كنت احلي واحن واجدع

ام لينا …عملتي لينا

كل حاجة …

ومستنتيش نردها ليكي

عارفة يا ما ….البيت مضلم

البيت سكوت ..مفهوش

لا لمه ..ولا حتي فرحة

ولا حتي نظرة من عنيكي

ولا ابتسامة ولا مع السلامة

ولا حتي طعم لأي حاجة

عايزة اقولك إيه كمان

كل حاجة قلتي عليها

والله بعملها

مش عارفة بس ليه مش

بتزروني؟!!!!!

وحشتيني

 

إبنتك غادة دكروري

اظهر المزيد

مقالات ذات صلة

زر الذهاب إلى الأعلى