ايام الزمن الجميل بقلم احمد السويفى
ايام الزمن الجميل
بقلم احمد السويفى
يا ستي فين القشطه والعسل والمش
فين القلوب الطيبه اللي عمرها ما تغش
فين حكمتك وكلامك وضحكتك في الوش
يا ستي فين اللبن والسمنه والرايب
فين المحبه مابين الاهل والقرايب
فين اللي عرفوا الصح وعيبوا العايب
يا ستي فين صحبتك واللمه وسط الدار
فين الكرم والجود فين قعدة الدوار
فين الموده وفين الصحبه بين الجار
يا ستي فين الرجال الحره والهيبه
فين الاصول والجدعنه والحب والطيبه
فين اللي عاشوا بادب ولا عرفو ايه العيبه
قالت ياولدي زمانكم يختلف عنا كان فيه موده وكان الفرح يتغنا
وكانت الناس بالخير لبعض تتمنى
يا ولدي زمانكم غير زمانا :..
