ورقه وقلم بقلم غاده دكروري

ورقة وقلم

ممكن تجيب ورقة وقلم

ونتحاسب

عل كام ضحكة و كام دمعة وكام غلطة

ممكن ورقة وقلم من تاني

نراجع فيها حسابتنا

لكن بهدوء المرادي

طِب ممكن تهدأ ونتعاتب

طب ممكن نرجع للماضي

نتذكر أوقات كانت حلوة

وسيبك من وجع المرادي

طِب ممكن أقولك كلمة

كمان…..

طب ليه منكنش زي زمان

ونكمل حكاياتنا

ويحكوا عنها ويقولوا

كان يامكان

و يقولوا اتنين ……..مع بعض لآخر الزمان

و خطوا الحدود مهما إن كان

طب ممكن اقولك حاجة كمان

مش لازم يعني

مشاعري وافكاري … علي مقاسك

مهو كل واحد

بيشوف الدنيا علي طريقته

مهو الكل ليه تجاربة وقناعاتة

طيب ليه خلتني

في يوم ليك دواء

لجروحك

وجي دلوقتي تقولي

خلاص خفيت

بلا كلام !!! سكت القلم

غادة دكروري