للدموع لسه بقيه شعر د. إيمان رشوان

كتبت/ايمان رشوان

للدموع لسه بقيه

طول ما هجرك راضي بيه…

هتفضل تقتل اجمل ما فيه..

صر وابعد مش هلومك ..

بس افتكر بسببك بقيت ضحيه..

كل مره تحتاج لی تیجی …

تغزل كل معاني الحب ليه…

لما تتسامر وتتحاور وتتغازل…

وبالنهايه لابد تنكد عليه..

وتفتكر ان بحياتك غيري..

وهي ابقى منى..

ليها كل الحق فيك..

وانا بس عاوزنى اكون خفيه ..

لف وارجع..

وافتكر قبل ما تيجى…

وتفرح وتتسلی بیه..

ان بيتك فيه ام .اخت . زوجه . وبنت

سهل يترد فيها لعبتك عليه..

بعدك زمان لسه معلم عليه…

وبسببك بقیت ضحيه…

شكلى عايش..

بس قلبى لسه ينزف دم فاسد من قسوتك وظلمك عليه..

جتلى ليه.. وانت اصلا ملك غيري..

ولا انا مكتوب لى يتعلم عليه

تفتكر اني هعاتبك لكل جرح سببته ليه

وآاالمك زي ماقسيت عليه تبقئ واااهم..

قلبي عشقك صعب يوم يلائك ضحية

وانا بوعدك اني هكونلك اوفئ ضحيه

وبعيونها للدموع لسه بقيه 😔😢