انتصار لـ خبير العلاقات مينا مكرم: ليه بتساعد الناس بالطريقة دي ما كنت توزع لحمة.. والأخير يرد: تغيير حياة الناس للأحسن، أفضل من إنهم ياكلوا ويشربوا ويموتوا تعيسيين

وليدمحمد

وجهت الفنانة انتصار سؤالًا لـ مينا مكرم خبير العلاقات الزوجية، حول سبب اتجاهه لـ دراسة العلاقات الزوجية وحل مشاكل الأزواج، وتركه مجال الصيدلة.

وقالت انتصار في برنامجها “من غير نفسنة” الذي تقدمه مع الفنانة بدرية طلبة ونوليا، عبر شاشة قناة “هي”: إيه اللي خلاك تساعد الناس في الاتجاه ده، ما كنت تساعدهم وتوزع عيش ورز ولحمة؟.

ليرد عليها خبير العلاقات الزوجية مينا مكرم، قائلًا: تغيير حياة الناس للأحسن، أفضل من إنهم ياكلوا ويشربوا ويموتوا تعيسيين، أهم حاجة في حياتنا نكون مبسوطين، فعليًا لو لقينا على نفسنا بندور على حاجة فإحنا بندور عليها علشان نكون مبسوطين، اللي عايز فلوس فهو عايزها علشان يتبسط، واللي بيدور على سلطة أو كرسي بيبقى متخيل أنها هتبسطه، حتى علاقتنا بربنا.

وتابع مينا مكرم: إنك تكون بياع سعادة وماشي بتوزع على الناس سعادة دي أحسن حاجة ممكن نعملها في حياتنا.

وأضافت انتصار: أنا فشلت كتير واتعلمت كتير، ومن أذاني قد أعطاني درسًا، يجب أن أشكره، والسخرية من فكرة الفشل صحية.

وعلق مينا مكرم على حديث انتصار، قائلًا: إحنا كلنا فاهمين الشفل غلط، لأن الفشل هو التوقف عن المحاولة، وإحنا بنحاول كل يوم يبقى مفيش فشل.

‎“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.