كان ياما كان شعر/سكينة الصولى
كان ياما كان
شعر/سكينة الصولى
٠٠٠٠٠
كنت زمان قلبك بستان
مليان أحلى ورود وريحان
إما الوقتى كأنه ماكان
عمال تحكى كلام مكسور
كنت فاكرنى لعبة فى إيدك
تلعب بيها داير مايدور
غرورك نساك اني انسان
ليا قلب وليا كيان
ولاعاد بيك قلبي مسحور
كنت تدوس بكلام محسوس
وتأكد لى إن إحنا لبعض
وتقوللى فى حكم ودروس
وبتستنى أقولك رد
كنت بأشوفك عترة وذوق
بس طلعت يابيه مزقوق
مش تستنى وقبله تدوق
من عسل الأشواق وأساه
قصة حبي كانت وياك
إنى أشوف الهنا فى لقاك
فاجأة لقيت أحلامى وراك
حتى العمر كمان نسياه
كنت أمالى وكل منايا
بأحلم والحلم على كبير
كل ثوانى الشوق دنيايا
وبيحسدنى الناس والطير
لكن زاد عندك و جنانك
ياإللى انا سيبت الكل عشانك
وكرهت إنى أكون فى مكانك
حتى أن كان الشوق قناطير
خلص الكلام وماعد لحد اي مكان ابعد بجد
