أنا مصرى لون الأرض شعر/ سكنية الصولى
أنا مصرى لون الأرض
شعر/ سكنية الصولى
أنا مصرى لون الأرض
وبأحبها سنة وفرض
لو فرقوا بينها وبينى
أنا عاشق فيها سنينى
لو تهت أنا يوم تلاقيني
بأحبها طول مع عرض
أنا مصرى لون الأرض٠٠
أن لونى الأسمر مصرى
من فجرى بينبت عصر ي
وشموس الكون وضياها
وقمرها نور فى سماها
وعبيرها يفوق الورد ٠٠٠٠
أنا مصرى لون الأرض٠٠٠٠٠
أنا مصرى لون النيل
وملامحى أسمر وجميل
فرعيني دمياط ورشيد
ضيا عينى وبصرى حديد
علشان عاشق التوحيد
مصرى أبا” عن جد ٠٠٠
أنا مصرى لون الأرض٠٠٠٠٠
أنا مصرى لون الزرع ٠٠
ع الخارطة أنا أكبر فرع
على شط النيل متربي
من طمى أصيل متعبى
بأدعى لها يخليها ربي
ومرارها يصبح شهد ٠٠
أنا مصرى بلون الأرض
