سنين شعر /سكنية الصولى
سنين
شعر /سكنية الصولى
ألايام متوهاني ٠٠٠والسنين مش عارفين كام٠٠٠
سايقانا فى الزحام لمصير
بنجهل مداه ٠٠٠٠
ياااه ٠٠ يا قسوة اللحظات
مابين دموع وآهات ٠٠٠
وبنصبح فيها ونبات والعمر بيشكى قساه ٠٠٠
نهرب نروح على فين
مين ينجد الصابرين
يارب وأنت معين
إرحمنا ياألله
ليه العذاب ألوان بين خوف
وبين توهان ٠٠٠إمتى يرق الزمان
وننسى شكل الأه٠٠
ونبدل الأحزان ٠٠٠٠
بالفرح فى كل مكان ٠٠٠
ويرجع للإنسان ٠٠٠٠
من تانى حب الحياة
