تعالى اقولك شعر زيزى رضا
تعالى أقولك إن كل حاجة منك بحبها
وإني عايشة بصوتك وقلبك وروحك بحسها
وإن صار غياب قلبي بغيب عن الدنيا كلها
هات إيدك وضميني وطمني بدفئها
وكفايا عليها نظرة عنيك وعشقها
مش عايزة حروف ولا كلام تثبتلي حبها
عايزاك أنت بس جنب مني
تحضن روحي وتقولها
إنك مهما غبت وبعدت حترجعلها
وإني ساكنه جوه منك وبتشتقلها
عايزة السعادة تسكن قلبك وهاقولها
اسكني قلب حبيبي ووصيها
تكون في كل خطوة معاك وأنها
متغيبش عنك لحظة واحدة
وتكون معاك بحبها
زيزى رضا
