القمر سهران عشانا شعر سكينة الصولي

شعر/سكينة الصولى
القمر سهران عشانّا
والنجوم عاشقة حوارنا
والكلام سيناريو بينا
نحكى فيه سِنّة بسِنّة
وكإنها كوشة وحنة
وعندليب الشوق تغنى
معزومين على أحلى جنة
أنا وحبيبي السهرانين ٠٠
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
والطيور سهرت معانا
والحنان كمل عشانا
وأنا وحبيبي فى سمانا
والنجوم حبت لقانا
أنا وحبيبي السهرانين
وكإننا فى الشوق مجانين
٠٠٠٠٠
ومين حاينقذ روحنا مين
سهارى فى الحب وهايمين
بنقول كلام ٠٠٠٠ العاشقين
يتغنوا ببه ٠٠٠٠٠٠ الملايين
٠٠٠٠٠٠
وعد حبيبي مكتوب عليا
علشان نصيبي وطالب إيديا
يارب تبقي عيشتى هنية
مافيها غلب ولا آسية ٠٠
وأفرح بقربه ويبقى الهدية
هدية عمرى من رب البرية
وأسهر تملِّى أنا وحبيبي٠
٠٠٠٠