القلب المجروح
شعر/ سكنية الصولى
قلبي المجروح علمنى أبوح
مع أنه عايش بغلاف مفتوح ٠٠
رايح على فين دى شعور وسنين
عايش فى أنين بحلاوة روح
مجروح علطول صابر وحمول
وماهوش مسئول عن كتر النوح
نفسه الأيام تمشى لقدام
ولا فى الأحلام يخلص البوح
يااخوانا شفوه م الهم شيلوه
أحسن حايتوه ف الزحمة يروح
هدى ياغرام بكفاية ملام
باب الأحلام علطول مفتوح
والقلب يعود راضي ومسعود
ولاهوش محسود والوجه صبوح
ينسي الأحزان ويرش ريحان
يرجع فرحان وكتاب مفتوح ٠٠
