اغلي من روحي
شعر /سكينة الصولى
يا اللي انت غلاك من غلا روحي
يا طبيب لآلامى ولجروحي
طول عمري بأتمنى تجينى
ولا تبقى ع البعد ناسينى
والدنيا تنام وتصحينى
ودموعى محبوسه في عينى
وعوازلى تزيد من تنويحى
نسينى وجعى وأشجانى
داانا قلبي داب من أحزانى
نفسي أرجع أفرح من تانى
تبقي انت أمالى وتفاريحى
حسسنى بأنى إنسانة
عايشة للحب وهيمانة
وبإنى فى حبك سلطانة
فى رحابك تنطق تسابيحى٠
إنا قلبي بيدور علي قلبك
محتاج إنه بجد ٠٠٠ يحبك
وأنا أفرح هيمانة ٠٠ بحبك
وإكيد العزال ٠٠ بحبيبي٠
رجعنى لدنيا الشوق تانى
وبعطفك إروى لى حنانى
وأملا لى حياتى بأمانى
ياإللى إنت أمالى وطموحى
