الرئيس السيسي: “إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه”

قال الرئيس عبد الفتاح السيسي، إنه تحدث مع مجلس القضاء الأعلى صباح اليوم، عن سهولة هدم الدول، مبينًا: “أنا كنت بكلم السادة مجلس القضاء الأعلى الصبح وقلتلهم تخيلوا ممكن أهد مصر بـ2 مليار جنيه، وهما استغربوا جدًا، قلتلهم أدي باكتة و20 جنيه وشريط ترامادول لـ100 ألف إنسان ظروفه صعبة”.أضاف الرئيس السيسي، في ختام جلسة “المشروعات القومية والبنية التحتية” ضمن فعاليات اليوم الثاني لمؤتمر”حكاية وطن.. بين الرؤية والإنجاز”: “أهد بلد فيها 100 مليون أو 105 ملايين بمليار جنيه، يعني 30 مليون دولار، فيه ناس بتصرفهم في حفلة! يبقى لما أجي أدفع 85 مليارًا للأسرة اللي هيا مش حاسة إنها عايشة والناس مرمية في الصفيح في الشوارع وفي المقابر، فحد يقولك البلد اللي مش لاقية تاكل تفرشلهم الشقة كمان؟ طبعا، إذا كنا بنفهم كلنا يعني إيه أمن قومي مش هتستكتروا اللي إحنا بنعمله ده وأكتر منه.. إحنا تعبانين كده ومش معانا نعمل كده؟ أيوه، علشان مايبقاش عندك ثغرة يتم استخدامها في نظم الحرب الحديثة في هدم الدول”.

وأكمل الرئيس السيسي: “ماحدش هيهاجمك كتير من بره بشكل مباشر؛ لأن ده تبعاته ضخمة جدًا ومكلفة جدًا مش بس عسكريًا وماليًا حتى من منظور القانون الدولي والنظام العالمي الموجود، الناس نازلة تتظاهر وأنا بمليار جنيه أنزلهم 10 أسابيع ورا بعض زي ما نزلوهم”.