عمك حسين قلع الطربوش كلمات الكاتب الصحفي محمد أحمد شعلان

عمك حسين قلع الطربوش

انا لما شوفته بقى معرفتوش

كان شعرة مفلفل بقى منكوش

واهو حط جيل وراح بلوش

قلع الجلبيه لبس بدله

وادى السديرى تحت مخده

كان جسمه جامد كان فرده

بس أعصابه كانت بارده

ماشى فى الشارع ومفتح

ده وش لورى ومسطح

واللى يقابله بقى بيبجح

مكان زى الورد المتفتح

محفظته حلوه وزاهيه

كان ابن زوات من الاغنيه

عربيته الكارو دى عربيه

سرقوها ياعينى الحراميه

متجوز واحده رقاصة

يندب في عيونها رصاصة

حشرية ولكن خباصة

بتصحى الصبح كده بعماصة

مشحته للجيران كل هدومها

متقطع منها قميص نومها

وهو واقف مش بيلومها

مش عارف ابدا يشكمها

العيشة غالية ومش عاجبه

والحياة واقفه كده صامته

تعبنا من كترة المناهده

الناس محتاجة الف مساعده

كلمات محمد احمد شعلان

مساعده